Póstlisti Vín og Matur ehf 6.10.2003
 
Góðan daginn,
 
Í Morgunblaðinu í gær, 5.10.2003, birtust mjög jákvæðir dómar á sikileysku vínunum sem Vín og Matur flytur inn frá Firriato.  Fyrirsögnin er "Firriato - nútímalegur Sikileyingur" og stendur í greininni m.a.:
 
"Vínin frá Sikiley eru nútímaleg í alla staði og alþjóðleg í stílnum án þess þó að glata hinum sikileyska uppruna sínum, sem er mikill kostur."
 
Um hvítvínin tvö segir Steingrímur m.a.:
 
Alcamo Bianco 2002 "... Blóm og sítrus í nefi, blómin hvít og sítrusinn sætur lime-ávöxtur ... Afskaplega þokkafullt vín, lifandi og einfaldlega gott."  Einkunn 18/20. 1.290,- kr.
 
Santagostino Baglio Soria bianco 2002 "... Ferskur, titrandi ilmur, sítrus, kívi og kantalúpu-melónur í nefi.  Í munni hefur vínið gífurlega dýpt ... í bland við yndislegan ferskleika.  Þroskann úr sól Sikileyjar en jafnframt fínleika og elegans vína sem einungis kemur með frábærri víngerð.  Yndislegt í alla staði."  Einkunn 19/20.  1.790,- kr.
 
Um rauðvínin tvö segir Steingrímur m.a.:
 
Altavilla Della Corte rosso 2001 "... Sætur áfengur ilmur, dökkur ávöxtur, nýbakaðir kanilsnúðar, rúsínur og smjör ... Glæsileg uppbygging."  Einkunn 18/20.  1.590,- kr.
 
Santagostino Baglio Soria rosso 2001 "... er mikill kraftabolti ... Dökkt og mikið vín, ávöxturinn heitur, þroskaður og kryddaður.  Þarna eru plómur og þurrkaðir ávextir en einnig vottar fyrir leðri og vanillu.  Bragðsprengja en jafnframt fínlegt og flott."  Einkunn 18/20.  1.790,- kr.
 
Frá Firriato fást líka súper-rauðvínin Harmonium og Camelot.  Öll vínin fást í ÁTVR Kringlunni og Heiðrúnu.
 
 
Einnig skrifar Steingrímur um ólífuolíuna frá Rietine undir fyrirsögninni "Afbragðs olía" og segir m.a. "...það er eins og að finna gull að rekast á ólífuolíu í hæsta gæðaflokki... Olían er fallega græn, sæt og bragðmikil.  Þykk og mild.  Lúxusolía ...".  Ólífuolían fæst í Kokku við Laugaveg og kostar 1.850,- kr.  Hún er líka frumleg og falleg gjöf við ýmis tækifæri, matarboð ofl., í stað t.d. blóma.
 
 
bestu kveðjur,
Arnar